Por E.P. | SANTIAGO DE COMPOSTELA | 27/10/2022 | Actualizada ás 13:45
A conselleira de Medio Ambiente, Territorio e Vivenda, Anxos Vázquez, fixou 2023 como o ano da promoción de vivenda pública en Galicia nunha comparecencia na Comisión de Economía, Facenda e Orzamentos do Parlamento galego para informar as contas deste departamento autonómico para o próximo ano, que se sitúa en 533,5 millóns.
Fíxoo nunha comparecencia na que por parte da oposición cualificouse de "propaganda" as contas e de "prestado" as mesmas, aludindo ás achegas que se reciben desde o Goberno central e os fondos europeos.
Tampouco estiveron exentas por parte da conselleira de Medio Ambiente e da deputada do PP Marisol Díaz as críticas ao Goberno central en relación á lei de residuos ou os plans vinculados á protección do lobo.
Así, defendeu uns orzamentos destinados, expuxo, á rehabilitación de vivendas para mellorar a eficiencia enerxética; para dotar de chan industrial e facilitar que se instalen en empresas ou con axudas para o aluguer a persoas novas ou colectivos vulnerables.
CRÍTICAS DA OPOSICIÓN
De "ineficaces" cualificou o deputado do BNG Luís Bará unhas contas que, na súa opinión, responden a un "raquitismo político e orzamentario". Así, sostivo que nalgún municipio leva informando "oito anos das mesmas vivendas".
Pola súa banda, a deputada socialista Paloma Castro argumentou que a Xunta non ten "planificación propia". "É irrisorio o que se dedica a conservación do patrimonio natural", afirmou, aludindo tamén así ás políticas en materia de vivenda.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.