Por E.P. | SANTIAGO DE COMPOSTELA | 09/11/2022 | Actualizada ás 11:26
A Cámara autonómica manifestou a través dunha declaración institucional o seu apoio ao programa transfronteirizo entre Galicia e Portugal 'Ponte...nas ondas!', que será avaliado proximamente pola Unesco para a súa inclusión no catálogo de boas prácticas do Patrimonio Cultural Inmaterial.
O texto aprobado polos grupos apoia a candidatura conxunta dos gobernos de España e Portugal para o programa, que resalta como "un instrumento educativo fundamental para o coñecemento, a salvaguardia, a transmisión e continuidade intergeneracional do patrimonio cultural".
Incide na capacidade da iniciativa transfronteiriza para identificar o patrominio común entre Galicia e Portugal e a súa transmisión ás aulas, así como a súa colaboración coas administracións, institucións e universidades "na procura de divulgalo".
"O traballo de 'Ponte...nas ondas!' contribuíu á revalorización de prácticas e saberes que melloran o benestar e a calidade de vida das persoas e comunidades portadoras, dando visibilidade ao seu patrimonio e fomentando un desenvolvemento sustentable, con transferencia de saberes ás novas xeracións", recolle a declaración institucional do Lexislativo autonómico. Por todo iso, manifesta o seu apoio a esta iniciativa "exemplar" que para a súa inclusión no catálogo da Unesco.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.