Amplían o radio de procura do octoxenario desaparecido desde o mércores na Rúa

Por E.P. | OURENSE | 11/11/2022 | Actualizada ás 10:50

Comparte esta noticia

A procura do ancián de 81 anos desaparecido desde o mércores na Rúa retomouse este venres cunha ampliación do radio das batidas, xa que por agora resultaron infrutuosas.

En concreto, os labores para dar co home céntranse na zona da súa vivenda, situada no lugar de San Xulián. Participan nelas axentes e cans do Servizo Cinolóxico da Garda Civil, o Equipo de Montaña do mesmo corpo, Protección Civil, o GES de Valdeorras e veciños voluntarios.

Igual que na xornada do xoves, está previsto que se some un helicóptero do Instituto Armado cuxa saída está pendente das condicións meteorolóxicas e de visibilidade, tal e como indican a Europa Press fontes do dispositivo.

Foi un familiar quen deu a voz de alarma pouco antes das 22,00 do mércores para solicitar a axuda para localizar ao ancián, que foi visto na súa leira sobre a hora da comida. O alertante indicaba que adoitaba dar un paseo pola zona onde vivía.

O home, de 81 anos, mide 1,50 metros, pesa uns 50 quilos, presenta xordeira e falta de visión, entre outros problemas de saúde.

Ancián de 81 anos desaparecido na Rúa
Ancián de 81 anos desaparecido na Rúa | Fonte: cGARDA CIVIL - Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta