Os aeroportos galegos rexistran un incremento no número de viaxeiros

Do total de viaxeiros rexistrados en outubro, 330.250 corresponderon a pasaxeiros comerciais, dos que 246.154 viaxaron en voos nacionais, un 22,9% máis que en outubro de 2019; e 84.096 fixérono en voos internacionais, un 35,4% máis que no mesmo período de 2019.

Por E.P. | SANTIAGO DE COMPOSTELA | 11/11/2022 | Actualizada ás 20:12

Comparte esta noticia

O número de pasaxeiros creceu nos aeroportos galegos en outubro en relación ao mesmo período do ano anterior, mentres que descende no da Coruña se se compara con 2019, segundo os datos facilitados na xornada deste venres por Aena.

O Aeroporto de Santiago-Rosalía de Castro rexistrou en outubro un total de 332.020 pasaxeiros, un 25,8% máis que no mesmo mes do ano 2019 e un 41,2% respecto de 2021.

Do total de viaxeiros rexistrados en outubro, 330.250 corresponderon a pasaxeiros comerciais, dos que 246.154 viaxaron en voos nacionais, un 22,9% máis que en outubro de 2019; e 84.096 fixérono en voos internacionais, un 35,4% máis que no mesmo período de 2019.

Pola súa banda, o Aeroporto da Coruña rexistrou un total de 99.558 pasaxeiros durante o pasado outubro, cun descenso do 20,2% en relación a 2019 e un incremento do 33,6% respecto de 2021. Recupera, segundo Aena, o 79,8% do tráfico rexistrado no mesmo mes de 2019.

En Vigo, foron 92.264 os pasaxeiros contabilizados no mes de outubro, un 4,1% máis en relación ao mesmo mes de 2019, mentres que en comparación con 2021 supón un 42,1%.

Simulacro de explosivo no aeroporto de Santiago / Subdelegación do Goberno. / Europa Press
Simulacro de explosivo no aeroporto de Santiago / Subdelegación do Goberno. / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta