Prestige.- O 16 de novembro as primeiras manchas de chapapote chegaron á Costa da Morte, asolagando xa 190 kilómetros do litoral galego

O 16 de novembro de 2002, hai exactamente 20 anos, as primeiras manchas da sustancia que xa se comezaba a popularizar baixo o nome de 'chapapote', aínda que moi fragmentadas, acadaron parte da Costa da Morte. E é que a cantidade de refugallo vertida polo Prestige chegaba xa as 4.000 toneladas.

Ao longo do día, chegou a afectar a 37 kilómetros de costa e, en concreto, ás praias de Trece, Camelle, Santa Mariña e Nemiña. Os peores temores fixéranse realidade: 190 kilómetros de costa estaban sendo anegados pola 'marea negra' para final do día.

Para tratar de afastalo da liña de costa, o buque, a 60 millas de distancia, seguía sendo remolcado en dirección sur. E para conter o chapapote, chegaban as barreiras de contención do Cantábrico e do Reino Unido (ao primeiro o Goberno de España non respondeu ao ofrecemento da potencia británica, mais non lle quedou máis remedio que aceptar cando a cousa se puxo seria).

En total, ás defensas españolas sumábanse outros 10 kilómetros máis de barreiras para intentar protexer os 1.195 kilómetros de costa galega (con 1.000 aínda limpos). Mais a forte marexada froito dun dos moitos temporais que adoitan asolagar Galicia por esta época do ano fixo saltar as primeiras barreiras colocadas, sendo superadas polo chapapote.

Todo o que podía saír mal, saiu mal, e o peor aínda estaba por chegar: ecosistemas destruidos, crise medioambiental, forte contaminación e política errática tras política errática por parte do Goberno, que non sabía como saír airoso dunha situación que xa non tiña remedio.