Por E.P. | PONTEVEDRA | 16/11/2022 | Actualizada ás 17:09
A sección cuarta da Audiencia Provincial de Pontevedra condenou a un home a tres anos de prisión por coaccionar á súa parella, tanto durante a relación, iniciada en xuño de 2017, como despois dela, aínda que descarta que cometese os delitos de acoso ou detención ilegal, como recollía a denuncia e o escrito fiscal.
En concreto, o tribunal, que o condenou como autor dun delito de coaccións menos graves e dun delito continuado de coaccións leves, tamén lle impuxo a prohibición de aproximarse e comunicarse coa vítima durante cinco anos, así como o abono dunha indemnización á vítima de 4.500 euros polos prexuízos ocasionados. A Sala absolveu ao sospeitoso dos delitos de detención ilegal, acoso, malos tratos psíquicos habitual e lesións psíquicas agravadas, dos que estaba acusado.
Na sentenza, o tribunal indica, respecto dos feitos que tiveron lugar tras a rutura da relación sentimental, que se produciu en xullo de 2019, que consistiron "en chamadas reiteradas, mensaxes de wasap, acto de persecución, etc.", que non teñen encaixe no delito de acoso.
Así, subliña que "non cabe falar da insistencia e reiteración ás que alude o tipo delituoso", pois asegura que os episodios "se producen ao longo do mes seguinte á ruptura da relación e soamente teñen lugar en tres días concretos, distanciados entre si". As maxistradas non consideraron probado "que esa situación provocase unha grave alteración no desenvolvemento da vida cotiá da vítima", que tamén era compañeira de traballo do acusado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.