Un "río atmosférico" que chega do Caribe golpea con forza Galicia
Trátase da borrasca Efraín que deixou xa moita chuvia no país.
Por Europa Press / Redacción | MADRID | 12/12/2022 | Actualizada ás 10:10
Un total de 33 provincias están este luns en alerta por choivas, vento, nevadas, frío e ondada, nunha xornada onde predominarán os ceos nubrados ou cubertos, segundo a predición da Axencia Estatal de Meteoroloxía (Aemet),. Unhas condicións atmosféricas que teñen que ver coa chegada da borrasca Efraín, que xa golpeou con forza Galicia.
A borrasca transporta humidade e favorece que as frontes que atravesan Galicia deixen choivas abundantes. Desde a súa posición, a borrasca Efraín impulsa unha corrente de aire moi cargada de humidade desde practicamente o Caribe ata a Península Ibérica, o que se denomina como "río atmosférico", explica a Aemet.
Así, este luns, as choivas propociarán a activación de alerta amarela na Coruña, Lugo, Ourense e Pontevedra, onde a auga se acumulou ata 15 litros por metro cadrado nunha hora e prevese entre 40 e 60 litros en doce horas.
Polo xeral, a Aemet prevé precipitacións abundantes, ocasionalmente con treboada, no noroeste peninsular e na vertente atlántica meridional, podendo ser localmente fortes ou persistentes en Galicia, o norte de Andalucía e o oeste do sistema Central e da meseta Sur.
