Unha nova aplicación web permite calcular as axudas para a rehabilitación enerxética de vivendas
A Xunta subliña que esta ferramenta "fará a vida máis fácil" e insta as administracións a "ir da man" neste ámbito
Por E.P. | SANTIAGO DE COMPOSTELA | 13/12/2022 | Actualizada ás 14:41
Unha nova aplicación web, impulsada desde a Xunta e dispoñible desde este martes, permite calcular as axudas para a rehabilitación enerxética de vivendas e edificios co obxectivo de que sexan máis eficientes.
Como resultado, a aplicación proporciona unha estimación das actuacións de rehabilitación necesarias para conseguir as axudas procedentes dos fondos Next Generatión, xestionadas polo Instituto Galego de Vivenda e Solo (IGVS). Nesta liña, é posible calcular o importe das actuacións, das axudas, o investimento estimado ou o custo do aforro de enerxía aforrado coas obras.
No acto de presentación en Santiago de Compostela, unha das integrantes do equipo que levou a cabo o proxecto, María José Paniagua subliñou que se trata "dun impulso para conseguir vivendas máis confortables térmicamente e máis respectuosas co medioambiente"
Deste xeito, no buscador están dispoñibles os datos pertencentes ás 1.627.135 vivendas rexistradas no catastro. Así mesmo, contén un directorio que visualiza a profesionais do sector que poidan levar a cabo estas melloras.
Así, desde este martes pódese acceder a este novo servizo a través da web do IGVS. Ademais, a aplicación poderase descargar nos dispositivos móbiles "a partir da próxima semana".
