O comité de Albada tacha de "decepcionante" a reunión coa empresa polo convenio colectivo
Por E.P. | A CORUÑA | 14/12/2022 | Actualizada ás 20:01
O comité de Albada, a empresa que xestiona a planta de tratamento de residuos de Nostián, tachou de "decepcionante" a reunión coa empresa polo convenio colectivo.
Nun comunicado, explica que despois do tres xornadas de folga secundadas polo persoal a semana pasada, este mércores estaba convocada unha nova reunión para seguir negociando o convenio.
Con todo, o encontro foi cualificado como "decepcionante" por parte do comité "xa que non serviu para desbloquear a situación", explica. "A empresa, desde o primeiro momento, ratificouse na proposta realizada en novembro, que supón manter os salarios conxelados ata 2028 e non recuperar os dereitos previos, a pesar de que a parte social trasladoulle unha nova proposta co obxectivo de avanzar nun acordo que permitira recuperar o poder adquisitivo dos salarios".
