Afundación recibirá 45 millóns de euros ata 2027 desde Abanca para o seu financiamento

O novo acordo representa "un marco de estabilidade nun escenario desfavorable e permitirá a Afundación potenciar os obxectivos e actividade planificada dentro do seu plan estratéxico".

Por E.P. | A CORUÑA | 15/12/2022 | Actualizada ás 12:37

Comparte esta noticia

Abanca achegará a Afundación 45 millóns de euros ata 2027, segundo informa. Con esta medida, explica que asegurará o financiamento do seu plan de acción para o próximos cinco anos.

"A decisión reforza o compromiso social de Abanca nun contexto de incerteza económica e supera o asinado en 2014", indica sobre un acordo que foi comunicado na reunión do padroado celebrada na sede de Afundación na Coruña.

O novo acordo representa "un marco de estabilidade nun escenario desfavorable e permitirá a Afundación potenciar os obxectivos e actividade planificada dentro do seu plan estratéxico". "Os 45 millóns aprobados para o próximos cinco anos supoñen un 27% máis que a contribución realizada no período 2015-2019", apostila a entidade.

Ademais, sinala que durante este período, Afundación seguirá impulsando as áreas transversais recollidas no seu plan estratéxico 2022-2026: a innovación e transformación dixital, a sustentabilidade e a implicación social.

Oficina de Abanca. ABANCA - Arquivo
Oficina de Abanca. ABANCA - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta