Por E.P. | SANTIAGO DE COMPOSTELA | 15/12/2022 | Actualizada ás 13:41
O presidente da Xunta, Alfonso Rueda, anunciou, tras a reunión semanal do Executivo autonómico, a declaración dunha nova iniciativa empresarial prioritaria na Comunidade: a planta que Naturgy, Reganosa e Repsol proxectan en Meirama para producir hidróxeno verde.
Segundo os datos do proxecto que se deron a coñecer ata o momento, esta planta contará na súa primeira fase con con unha potencia de 30 MW e poderá chegar ata os 200 MW. Ademais, permitirá crear nesta fase inicial uns 400 postos de traballo.
A planta producirá máis de 4.000 toneladas de hidróxeno renovable ao ano na súa primeira fase e o obxectivo é que chegue a alcanzar unha produción total de 30.000 toneladas anuais.
A declaración de proxectos empresariais como prioritarios implica a concorrencia de razóns de interese público para tramitar de maneira urxente os procedementos administrativos, así como o seguimento e impulso dos trámites posteriores necesarios por parte da Xunta para contribuír á eliminación de obstáculos e barreiras á actividade empresarial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.