Por Europa Press / Redacción | SANTIAGO DE COMPOSTELA | 23/12/2022 | Actualizada ás 20:19
O patrón maior de Ribeira, José Antonio Pérez Sieira, continuará outros catro anos máis á fronte da Federación Galega de Confrarías de pescadores.
Este venres, as directivas das confrarías galegas elixiron de novo a Pérez Sieira para encabezar a federación que engloba ás organizacións de pescadores e mariscadoras de toda Galicia.
Así, o máximo responsable dos pescadores do principal porto da comarca do Barbanza continuará ata 2026 nun cargo ao que accedeu por primeira vez en 2018.
Si hai cambios cambios nas dúas vicepresidencias da federación, ás que acceden o patrón maior de San Cibrao, Javier Sánchez, que ocupará a Vicepresidencia Primeira, e o patrón maior de Raxó, Yago Tomei, que exercerá de número tres.
Coa elección da nova cúpula da federación autonómica, as confrarías galegas completan o seu proceso de renovación interna, que celebrou as súas terceiras eleccións unificadas a finais do mes de outubro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.