Morre un home en Ordes despois de caer sobre el unha árbore
Segundo informou o 112 Galicia, os feitos producíronse minutos antes das 17,00 horas no lugar dos Ramos.
Por Europa Press / Redacción | SANTIAGO DE COMPOSTELA | 27/12/2022 | Actualizada ás 19:47
Un home faleceu este martes tras quedar atrapado debaixo dunha árbore cando traballaba nunha leira da súa propiedade no lugar dos Ramos, no municipio coruñés de Ordes.
Segundo informou o 112 Galicia, os feitos producíronse minutos antes das 17,00 horas no lugar dos Ramos.
Ao ter constancia deste suceso, a través do Servizo de Urxencias Sanitarias de Galicia-061, o Centro Integrado de Atención ás Emerxencias mobilizou aos Bombeiros de Ordes, á Garda Civil e á Policía Local.
Os membros do Servizo de Prevención, Extinción de Incendios e Salvamento tiveron que cortar a árbore que atrapaba ao home. Con todo, xa liberado, os servizos sanitarios, que desprazaron ata o punto un helicóptero medicalizado, nada puideron facer por salvarlle a vida.
