Por E.P. | SANTIAGO DE COMPOSTELA | 28/12/2022 | Actualizada ás 12:04
O vicepresidente primeiro da Xunta, Francisco Conde, destacou a "tendencia moi positiva" que experimenta marca Artesanía de Galicia, cada vez "máis presente" no comercio de proximidade. E é que, con respecto ao ano pasado, son un 19 por cento máis os establecementos que venden produtos con este selo.
O tamén conselleiro de Economía, Industria e Innovación visitou este mércores en Santiago Boles Galicia, unha das 33 tendas adheridas actualmente á marca e que se identifican por vender pezas de polo menos cinco talleres artesanais galegos co distintivo.
Conde desprazouse ata o local no marco da campaña 'Vive ou Nadal con Artesanía de Galicia', que a Dirección Xeral de Comercio e Consumo da Xunta puxo en marcha nestas datas para promocionar os produtos artesanais da Comunidade.
Francisco Conde explicou que esta iniciativa busca fomentar as compras en establecementos adheridos a esta marca porque ofrecen un produto "local e sustentable", saído dalgún dos 789 talleres co selo Artesanía de Galicia. Outro dos obxectivos é beneficiar a un sector autóctono e presentalo como atractivo para poder "incorporar a xente nova" a esta actividade, subliñou o vicepresidente.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.