Por Europa Press / Redacción | SANTIAGO DE COMPOSTELA | 02/01/2023 | Actualizada ás 17:26
O Diario Oficial de Galicia publicará esta semana as resolucións da Dirección Xeral de Recursos Humanos do Servizo Galego de Saúde (Sergas) para a convocatoria dun total de 5.585 prazas fixas no sistema sanitario galego que serán cubertas por concurso-oposición e por concurso de méritos.
Diso informou este luns a Consellería de Sanidade nun comunicado no que subliña que se trata "da maior oferta de prazas da historia" para o Sergas. Así, o 4 de xaneiro sairá no DOG a convocatoria de 3.777 prazas por concurso posición para persoa estatutario en 55 categorías diferentes. Destas, 760 corresponden á oferta de emprego pública para estabilización de emprego temporal e, o resto, ás comúns de 2020, 2021 e 2022.
Por estamentos, das 330 prazas que corresponden a licenciados sanitarios, 150 son para médicos de familia, e 155 para facultativos especialistas de área. Para diplomados sanitarios hai 1.802, das cales, un total de 1.556 corresponden á categoría de enfermaría. Ademais, a oferta contempla , a gran maioría --789-- para técnicos en coidados auxiliar de enfermaría. Así mesmo, tamén se ofertan 842 prazas de persoal de xestión.
O prazo de presentación de solicitudes é do 9 de xaneiro ao 9 de febreiro de 2023; mentres que os méritos a valorar serán os causados ata o 3 de xaneiro deste ano. Un día máis tarde, o vindeiro xoves 5 de xaneiro, o DOG publicará a convocatoria de prazas por concurso de méritos, composta por 1.808 prazas para persoal estatutario correspondentes a 97 categorías distintas. Das prazas en liza, 435 son para licenciados sanitarios, mentres que 486 corresponden a diplomados; 417 a técnicos sanitarios de formación profesional, 436 a persoal de xestión e servizos e 34 a persoal investigador.
Entre as 435 prazas para licenciados sanitarios inclúense 42 especialistas en Medicina Familiar, 32 médicos de Urxencias e oito médicos coordinadores do 061; así como 24 facultativos especialistas en Pediatría, 23 en Psiquiatría ou 14 en Cirurxía Ortopédica e Traumatoloxía, entre outros. Ademais, tamén se ofertan 459 para enfermeiros, 277 para técnicos en coidados auxiliar de enfermaría, 51 de técnicos en farmacia e 119 de celadores.
O concurso é de acceso libre e valoraranse de maneira prioritaria os servizos prestados en hospitais, centros de saúde e entidades do sistema público de saúde de Galicia, polo que todo o persoal do Sergas con vínculo temporal deberá participar. O prazo de presentación de solicitudes para estas prazas é do 16 de xaneiro ao 16 de febreiro de 2023.
ESPECIALISTAS DE ÁREA
Doutra banda, o DOG publica este luns a puntuación provisional da fase de concurso no proceso de oposición á cateogoría de especialista de área no Sergas nas especialidades de cirurxía oral e maxilofacial, cirurxía pediátrica, cirurxía plástica, estética e reparadora, Inmunoloxía e oncoloxía radioterápica.
En total son 21 as prazas ofertadas, a aspíranas 60 persoas que superaron a fase de oposición. As puntuacións poden consultarse xa na web do Servizo Galego de Saúde.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.