Por Galicia Confidencial | Pontevedra | 02/01/2023 | Actualizada ás 20:38
O martes 3 de xaneiro ás 18h terá lugar no Teatro Principal de Pontevedra o concerto especial de Nadal de Uxía Lambona e a Banda Molona dedicado aos máis cativos e que contará coa colaboración de Deleite.
Uxía Lambona e a Banda Molona é unha banda de música infantil que recolle os clásicos populares galegos dándolle o seu toque particular dende a A Carolina “rapeada” ata O Jato “rockeiro”, pasando por outros moitos temas tradicionais, moi dinámicos, facendo que todos os presentes sexan partícipes do seu particular “desconcerto”, cheo de bailes, xogos, coreografías e alguna que outra sorpresa.
Deleite quíxose sumar unha vez máis a esta iniciativa que mestura a cultura coas actividades para os máis cativos nestas datas tan especiais e que representan do xeito máis fiel o espírito do Nadal.
A entrada é libre e gratuíta ata completar a cabida do Teatro Principal de Pontevedra, polo que se recomenda chegar con tempo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.