Detido un home a quen a Garda Civil relaciona co tiroteo ocorrido en Maceda a comezos de novembro
O suceso tivo lugar o 2 de novembro, sobre as 22,00 horas da noite, nun edificio de cálea Cardeal Quiroga.
Por Europa Press / Redacción | SANTIAGO DE COMPOSTELA | 06/01/2023 | Actualizada ás 16:45
A Garda Civil detivo o xoves, 5 de xaneiro, a un home en relación co tiroreo ocorrido o pasado 2 de novembro nun edificio de Maceda, que deixara a un mozo ferido.
Segundo confirman fontes da Benemérita, ao apresado considéraselle autor dun intento de homicidio. A operación por estes feitos ocorridos hai mais de dous meses continúa aberta, aínda que as actuacións foron declaradas secretas.
O suceso tivo lugar o 2 de novembro, sobre as 22,00 horas da noite, nun edificio da rúa Cardeal Quiroga. A vítima recibira tres disparos efectuados por outro home ao que desde entón buscaban as forzas de seguridade.
Nin o portal do inmoble nin o da vivenda do ferido presentaban signos de ser forzado. A vítima, que se dedicaba á gandaría, permaneceu durante días en reanimación no Complexo Hospitalario Universitario de Ourense (CHUO).
