O sector lácteo espera un incremento do 75% dos produtos elaborados con leite en Galicia de cara ao 2025
Un informe sectorial apunta que as vendas de leite galego foron de 2,5 millóns de toneladas entre xaneiro e febreiro de 2022.
Por E.P. | SANTIAGO DE COMPOSTELA | 06/01/2023 | Actualizada ás 17:55
O último informe sectorial elaborado polo Observatorio Galego da Calidade Alimentaria, creado pola Xunta, determinou un crecemento dos produtos elaborados con leite en Galicia, de cara ao obxectivo de chegar a un 75% de transformación de aquí ao 2025.
Segundo os datos deste documento, no ano 2021 xa se industrializara na comunidade autónoma máis do 63% do leite producido e a transformación destes produtos incrementouse por encima do 50% entre 2016 e 2021.
Así mesmo, os resultados constataron que Galicia é a primeira comunidade produtora láctea do país e chegou a experimentar o maior volume de entregas de leite entre os meses de xaneiro e febreiro do ano pasado, nos que alcanzou preto de 2,5 millóns de toneladas, que representa un 40,75% do rexistro nacional.
A nivel internacional, o estudo sinala que en 2021 Galicia foi a décima rexión produtora da Unión Europea, cun crecemento constante ano tras ano e superior ao doutras rexións con producións lácteas similares.
