A Xunta permitirá a autónomos solicitar axudas de ata 1.500 euros polo incremento de prezos a partir deste luns

Por E.P. | SANTIAGO DE COMPOSTELA | 09/01/2023 | Actualizada ás 10:15

Comparte esta noticia

As axudas directas de ata 1.500 euros do programa 'Impacto Autónomo' da Consellería de Promoción do Emprego e Igualdade poderán solicitarse desde este luns ata o 9 de febreiro.

Precisamente, o Diario Oficial de Galicia (DOG) publicou este mércores as bases da convocatoria da primeira edición desta iniciativa, que conta cun investimento de 30 millóns de euros e ofrece subvencións directas a autónomos de entre 800 e 1.500 euros para minimizar o impacto da subida de custos en materias primas e subministracións como os enerxéticos.

Tal como informou a Xunta nun comunicado, 'Impacto Autónomo' pretende axudar de forma específica aos autónomos a paliar o custo da vida. Os beneficiarios destas axudas serán persoas autónomas dadas de alta no Réxime Especial de Traballadores Autónomos ou no Réxime do Mar, con domicilio en Galicia e con rendementos netos mínimos de 10.000 euros e máximos de 30.000 euros no ano 2021.

No caso de autónomos societarios, a facturación da compañía terá que ser como mínimo de 50.000 euros e non poderá superar os 750.000 euros. A contía da axuda establecerase en función do rendemento e conforme á escala que publica o DOG.

Fotos Xunta / Emprego / Plataforma De Autónomos. Xunta de Galicia
Fotos Xunta / Emprego / Plataforma De Autónomos. Xunta de Galicia

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta