Máis de 100 litros por m2 en Santiago, Pontevedra e Vigo durante a segunda semana do ano

Galicia é a zona onde máis chuvia caeu este ano.

Por Europa Press / Redacción | Compostela | 13/01/2023 | Actualizada ás 11:40

Comparte esta noticia

Pontevedra, Vigo e Santiago foron os puntos máis chuviosos de todo o Estado durante a segunda semana do ano, na que estas zonas superaron os 100 litros por metro cadrado en precipitacións.

As choivas acumuladas no conxunto de España desde que comezou o ano hidrolóxico (1 de outubro de 2022) ata o 10 de xaneiro de 2023 superan nun 1,5 por cento o valor medio normal para este período, segundo informa a Axencia Estatal de Meteoroloxía (AEMET).

En concreto, neste tres meses e dez días do ano hidrolóxico alcanzouse un valor medio de 259,9 litros por metro cadrado, cando o normal son 255,8 litros por metro cadrado. Do 4 ao 10 de xaneiro as precipitacións afectaron á maior parte do territorio salvo ao leste de Andalucía, o levante peninsular, as illas Baleares e as illas Canarias orientais.

As precipitacións máis destacadas déronse en Galicia, con cantidades superiores aos 100 litros por metro cadrado nas provincias de Pontevedra e A Coruña.

A AEMET destaca as cantidades recollidas en Pontevedra, 108 litros por metro cadrado; Vigo-Peinador, 102 litros por metro cadrado; Santiago de Compostela-Lavacolla, 101 litros por metro cadrado; Lugo-Rozas, 59 litros por metro cadrado e Fuenterrabía, 55 litros por metro cadrado.

Vexetación afectada polo desbordamento do río Miño ao seu paso por Triabá
Vexetación afectada polo desbordamento do río Miño ao seu paso por Triabá | Fonte: Carlos Castro - Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta