A 56 Edición do Rallye de Ourense terá a colaboración da Deputación de Ourense
"Este é un proxecto singular no deporte de elite que conta cun importante retorno económico durante cada edición", explicou o mandatario provincial, Manuel Baltar.
Por E.P. | OURENSE | 16/01/2023 | Actualizada ás 20:08
A Deputación de Ourense colaborará na celebración da 56 edición do Rally de Ourense. Así o avanzou nunha nota de prensa a institución provincial tras unha reunión entre o presidente, Manuel Baltar, e o presidente da Escuadra Ourense, Jano Fraga, para abordar as liñas de colaboración abertas cara á celebración deste evento.
Baltar destacou o "elevadísimo impacto económico, turístico e promocional" que ten o Rally de Ourense, unha proba "emblemática" na provincia e unha "referencia" no mundo do motor que "converte Ourense nun escaparate da riqueza do territorio".
"Este é un proxecto singular no deporte de elite que conta cun importante retorno económico durante cada edición e que conforma o exemplo perfecto do modelo de turismo deportivo que desenvolvemos desde a Deputación de Ourense", explicou o mandatario provincial.
Pola súa banda, Jano Fraga agradeceu en nome da escuadra o "apoio incondicional da Deputación ao Rallye de Ourense", así como "as palabras de Manuel Baltar", que lle deu o parabén por "o éxito cultivado na anterior edición", na que volveron ao Parque de San Lázaro e celebrouse un tramo urbano na cidade.
