Dous falecementos por COVID en Galicia mentres a comunidade rexistra máis de 1.200 casos activos
Os dous falecidos tiñan patoloxías previas.
Por Europa Press / Redacción | A CORUÑA | 19/01/2023 | Actualizada ás 11:23
Galicia rexistra 1.255 casos activos por covid, segundo o último parte da Consellería de Sanidade, actualizado ás 18,00 horas do día 18. Ademais, houbo dous novos falecementos, co que as mortes de persoas con coronavirus desde o inicio da panademia elévase a 4.047.
Os dous falecementos producíronse o día 17 e trátase dun home de 78 anos, na área sanitaria de Vigo, e dunha muller de 88 anos na de Ourense-Verín-O Barco de Valdeorras, ambos con patoloxías previas.
Dos casos activos, 300 están na área sanitaria da Coruña; 164 na de Lugo; 140 na de Ourense, 124 na de Pontevedra; 192 na de Vigo; 211 na de Santiago e 124 na de Ferrol.
Do total de pacientes positivos, 12 están en UCI e 183 en unidades de hospitalización, un total de 195 (tres menos que o último parte), aos que se suman 1.060 persoas en domicilio.
Por áreas sanitarias, na da Coruña son 43 en planta e seis en UCI; na de Ferrol, 15 pacientes en planta e na de Lugo, 18. En Ourense, hai 27 en unidades de hospitalización e tres en UCI mentres que en Pontevedra son, respectivamente, 32 e dúas. No caso de Santiago, son 19 persoas en unidades de hospitalización e un en UCI, mentres que en Vigo son 29 en planta.
En canto aos casos abertos nas últimas horas, en Galicia elévanse a un total de 64, dos que 10 foron na área sanitaria da Coruña; oito na de Ferrol; doce na de Lugo; nove na de Ourense; seis na de Pontevedra; once na de Santiago e oito na de Vigo.
