Alfonso Rueda non descarta dimisións nin cambios na Xunta: "Estou moi satisfeito co meu equipo"
A pesar da situación sanitaria, o presidente da Xunta confía no seu equipo.
Por Europa Press / Redacción | SANTIAGO DE COMPOSTELA | 19/01/2023 | Actualizada ás 17:26
O presidente da Xunta de Galicia, Alfonso Rueda, insistiu este xoves na súa intención de esgotar a lexislatura e descartou cambios nos membros do seu Goberno, co que está "moi satisfeito".
"Sigo mantendo a miña intención de esgotar a lexislatura. Estou moi satisfeito co meu equipo e singularmente co equipo de conselleiros. Non teño ningunha previsión, no prazo que teño por diante, de facer ningún cambio", explicou o líder do Executivo autonómico na rolda de prensa posterior ao Consello de Goberno da Xunta.
Aínda que matiza que, "como pasa moitas veces en política cos cargos de libre designación", ninguén ten "garantida" a súa continuidade, "mentres o fagan ben, e estano facendo francamente ben, hai moitos argumentos para non ter intención de facer cambios no Goberno".
