Formoso acusa a Feijóo de usar o tema da lista máis votada "en función dos seus intereses"
O secretario xeral do PSdeG apuntou ao presidente do PP de que "en política non se pode ser trileiro".
Por Europa Press / Redacción | SANTIAGO DE COMPOSTELA | 24/01/2023 | Actualizada ás 14:43
O secretario xeral do PSdeG, Valentín González Formoso, advertiu este martes ao presidente do PP, Alberto Núñez Feijóo, de que "en política non se pode ser trileiro" e facer propostas como que goberne a lista máis votada nas eleccións municipais "en función dos seus intereses".
"Se un ten unha crenza, ten que defendela contra vento e marea, para todos os estamentos políticos e todos os niveis electorais. O mesmo criterio debería valer no ámbito municipal que no estatal ou no autonómico", dixo Formoso, ou, pola contra, sería "tomarlle o pelo á cidadanía".
No caso de que a proposta do PP fose así, Formoso tomou as palabras do ministro de Presidencia, Félix Bolaños, para lembrar que o alcalde de Madrid, José Luís Rodríguez Almeida "tería que dimitir", xa que a súa non foi a lista máis votada en 2019.
En calquera caso, o líder dos socialistas galegos ha apunado que, na súa opinión, "España construíuse con maiorías", e son válidas tanto a maioría como os pactos. "As dúas son boas se se concibe a política como unha ferramenta para sumar", dixo Formoso, que incidiu na necesidade de gobernar as institucións contando con "distintas sensibilidades" e "por encima das siglas politicas".
