A condutora que circulou en sentido contrario na AP-9 e chocou contra outro vehículo deu positivo en alcol
A muller, de 37 anos e que resultou ferida, deu na proba practicada un resultado de 0,50 miligramos de alcol por litro en aire expirado, o dobre do permitido, establecido en 0,25 mg/l.
Por Europa Press / Redacción | SANTIAGO DE COMPOSTELA | 30/01/2023 | Actualizada ás 14:57
A condutora que circulou o pasado sábado 28 de xaneiro en sentido contrario pola autoestrada AP-9 e que chocou contra outro vehículo no túnel do Sartego, en Fene, deu positivo nas probas de alcoholemia, segundo puido saber Europa Press.
A muller, de 37 anos e que resultou ferida, deu na proba practicada un resultado de 0,50 miligramos de alcol por litro en aire expirado, o dobre do permitido, establecido en 0,25 mg/l.
A colisión produciuse sobre as 20,00 horas, no mencionado túnel, en dirección a Ferrol, tras penetrarse a muller no acceso de Neda .
Á zona desprazáronse dúas ambulancias de Urxencias Sanitarias de Galicia-061, que foron as encargadas de atender e evacuar aos feridos, un ao Hospital Arquitecto Marcide e o outro ao Hospital Ribeira Juan Cardona, ademais dos efectivos dos Bombeiros de Ferrol e GES de Mugardos, así como axentes da Garda Civil de Tráfico que son os que investigan as causas deste sinistro.
A consecuencia deste accidente producíronse importantes retencións, xa que un dos carrís permaneceu cortado.
