A dona dos cans que atacaron a unha muller en Muíños non tiña licenza de raza perigosa
A vítima ten lesións graves.
Por Europa Press / Redacción | OURENSE | 02/02/2023 | Actualizada ás 11:50
A Garda Civil tomou o mércores declaracion, en calidade de investigada por un delito de lesións por imprudencia grave, á dona do catro cans que atacaron a unha muller o pasado domingo en Muíños.
Segundo informa o Instituto Armado, trátase dunha veciña do municipio, de 47 anos de idade, que non contaba con licenza municipal para ter cans de raza perigosa --tres deles eran pitbull-- e que non os tiña rexistrados.
É o Xulgado de Bande o que leva o caso por estes feitos ocorridos o pasado domingo, cando unha veciña de Muíños resultou ferida grave tras ser atacada por estes animais. Posteriormente, o fillo da vítima presentou denuncia ante a Garda Civil.
O suceso produciuse ao redor das 11,30 horas, cando a muller foi a recoller verdura á leira. Debido ás lesións, de carácter grave, nun primeiro momento trasladouse ao momento de Atención Continuada de Muíños e logo ao complexo hospitalario de Ourense.
