O alcalde de Santiago suspende a axenda tras sufrir unha indisposición que o fixo ir ao hospital
Xosé Sánchez Bugallo estivo ingresado por culpa dunhas molestias que o levaron a ingresar en Urxencias.
Por Galicia Confidencial | Santiago | 07/02/2023 | Actualizada ás 13:19
O alcalde de Santiago, Xosé Sánchez Bugallo, foi dado de alta na mañá deste martes sete de febreiro, despois de pasar a noite en observación no Policlínico santiagues (CHUS).
O alcalde de Santiago sufriu a última hora deste luns unha indisposición que lle obrigou a anular a súa presenza nos actos previstos para este martes. En concreto, segundo confirmaron a Europa Press fontes próximas, o rexedor sentiuse mal na tarde deste luns e desprazouse ata o Hospital Clínico de Santiago, onde permaneceu varias horas en observación.
Aínda que xa foi dado de alta, a recomendación de descanso que lle pautaron os facultativos levou a que anule os actos que tiña previstos para este martes. En concreto, estaba citado a unha reunión coa Asociación Hostalaría Compostela e ía acudir á entrega do premio San Clemente Abanca.
