Por E.P. | SANTIAGO DE COMPOSTELA | 08/02/2023 | Actualizada ás 20:18
O Bloque Nacionalistas Galego (BNG) denunciou no Congreso dos Deputados a "falta de compromiso" do Goberno con Galicia en materia ferroviaria e pediu un aumento das frecuencias no corredor atlántico e na liña Avant que une A Coruña con Ourense para ofrecer "servizos de calidade" aos usuarios.
En concreto, o deputado nacionalista, Néstor Rego, esixiu máis persoal e máis medios para estas liñas, rexistrando iniciativas parlamentarias para a posta en funcionamento "inmediata" dos trens Avril en Galicia ante a "alta demanda" de alta velocidade en Galicia.
"O Goberno actúa tras o sucedido cos trens de proximidade en Asturias e Cantabria e cesa a altos cargos do Ministerio de Transportes, pero non se preocupa polos servizos ferroviarios en Galicia", lamentou Rego. Así, puxo o foco nos "atrasos cronificados" das liñas do corredor atlántico que sofren "diariamente" miles de galegos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.