Doa sangue, especialmente se es do grupo 0-, xa que está en nivel baixo
ADOS advirte que hai "moitas persoas nos hospitais" que precisan recibir unha transfusión
Por Europa Press / Redacción | SANTIAGO DE COMPOSTELA | 10/02/2023 | Actualizada ás 16:51
A Axencia de Doazón de Órganos e Sangue (ADOS) apelou a toda a cidadanía galega a doar sangue nas próximas xornadas, en especial do grupo sanguíneo 0 negativo, xa que as reservas atópanse en nivel baixo. En canto ao resto de categorías, están en niveis bos fóra de A+, que ten as reservas en niveis normais.
ADOS advirte que hai "moitas persoas nos hospitais" que precisan recibir unha transfusión dalgún compoñente de sangue por múltiples razóns e que, para atendelas, o Servizo Galego de Saúde (Sergas) precisa case 500 doazóns de sangue cada día.
Por iso, fai un chamamento a acudir a calquera das unidades móbiles que percorrerán a próxima semana as catro provincias galegas. Así, pode coñecerse o seu destino en ados.sergas.gal.
