Por Europa Press / Redacción | SANTIAGO DE COMPOSTELA | 13/02/2023 | Actualizada ás 13:41
O Bloque Nacionalista Galego (BNG) reclamou ao Goberno do Estado a creación de tres novos xulgados especializados en violencia de xénero nas cidades galegas que carecen del: Ourense, Lugo e Santiago de Compostela.
Así o manifestou o BNG a través dun comunicado no que o deputado no Congreso, Néstor Rego, insistiu na urxencia de comezar os trámites para ampliar estes organismos especializados, unha solicitude que xa incorporaran previamente no Acordo de Investidura.
Nesta liña, Rego sinalou a necesidade de incorporar no tres cidades este órgano e solicita ao Ministerio de Xustiza que se quere traballar na loita contra a violencia machista comprométase á creación.
Ademais, o tenente de alcalde da cidade de Lugo, Rubén Arroxo, apoiou a creación deste xulgado e afirma que é unha campaña na que levan varios anos e mesmo se recolleron miles de firmas e chegáronse a presentar iniciativas no Congreso e no Parlamento Galego.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.