Por Europa Press / Redacción | SANTIAGO DE COMPOSTELA | 14/02/2023 | Actualizada ás 18:55
O vicepresidente segundo da Xunta e líder do PP provincial da Coruña, Diego Calvo, ratificou o seu aval á que será candidata do partido --como independente-- en Boimorto, María Jesús Novo, quen no seu día saíu do PP tras a súa polémica vacinación da primeira dose da covid-19.
O presidente do PPdeG e da Xunta, Alfonso Rueda, admitira en días pasados que a rexedora, que seguiu no cargo, cometeu "un erro" e apuntara que a súa elección como candidata para as eleccións municipais do 28 de maio era "unha proposta" da formación provincial que dirixe Calvo e que el "respectaba". Este martes, en declaracións aos medios nun acto na Coruña, Calvo lembrou que a alcaldesa no seu día pediu a baixa do PP e deu "as explicacións oportunas".
"A nosa xente en Boimorto e todos os que a coñecemos confiamos nas súas explicacións. Estou segura de que é unha boa alcaldesa, pero sobre todo van ver vostedes como nas eleccións quedará claro que é a alcaldesa que queren todos os veciños de Boimorto", resolveu.
"NINGÚN PARTIDO DECENTE" AVALARÍAA
Pola súa banda, o secretario provincial do PSOE, Bernardo Fernández, volveu a pór en dúbida os "principios" do PP e sinalou que a expulsión de Novo das filas populares foi unha "pantomima".
"Aproveitouse da súa condición para ser vacinada cando non lle tocaba, o que invalida e inhabilita a calquera persoa para estar á fronte dunha administración", advertiu, antes de concluír, nunhas declaracións difundidas polo PSOE, que ningún partido "decente" permitiría que alguén de tal "catadura moral" encabezase a súa lista.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.