Ferido un operario que sufriu queimaduras na cara limpando un depósito de gas en Cee

Un operario resultou ferido na mañá deste luns na localidade coruñesa de Cee tras sufrir queimaduras na cara mentres limpaba un depósito de gas.

Tal como informou o 112 Galicia, os feitos tiveron lugar pouco despois das 12,45 horas e foi un particular o que alertou aos servizos de emerxencia, indicando que se atopaba no lugar de Vilar de Toba, en Cee, onde un traballador se queimou a cara mentres limpaba un depósito de gas.

Ademais, tamén explicaba que o lume se propagou ao monte próximo, polo que se deu aviso a urxencias sanitarias, ao persoal de Medio Rural, aos axentes da Garda Civil e a Protección Civil de Cee.