Pero que pasa cos lumes de inverno no Parque Natural do Xurés?
Extinguido outro incendio forestal en Muíños.
- Cuarto incendio no parque natural do Xurés no que vai de ano
- Incendios no Xurés en pleno inverno, cambio climático, falta de xestión e...algo máis?
Por Europa Press / Redacción | Xurés | 21/02/2023 | Actualizada ás 11:01
A Consellería do Medio Rural deu por extinguido un incendio forestal na localidade ourensá de Muíños que afectou a 0,03 hectáreas do Parque Natural de Baixa Limia-O Xurés, segundo as últimas medicións. É o sexto lume no que vai de ano neste parque natural nunha zona moi maltratada polos incendios.
O lume orixinouse ás 21,10 horas deste luns e quedou extinguido ás 22,17 horas. En total, mobilizáronse para o seu control un axente, unha brigada e unha motobomba.
A Xunta lembra que está a disposición da cidadanía o número de teléfono gratuíto 085, ao que se debe chamar en caso de detectar algún incendio forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.
