Galicia queda sen cargos en Adif e Renfe

O Boletín Oficial do Estado (BOE) publica este mércores o nomeamento de Raül Branco como presidente de Renfe e de David Lucas como novo secretario de Estado de Transportes, Mobilidade e Axenda Urbana. Ningún deles é galego.

Estes nomeamentos, aprobados onte no Consello de Ministros, prodúcense tras a dimisión presentada o pasado luns polo anterior presidente de Renfe, Isaías Táboas, e da xa exsecretaria de Estado de Transportes, Isabel Pardo de Vera, pola polémica ao redor dos trens de ancho métrico de Cantabria e Asturias.

De feito, o BOE tamén recolle na súa edición deste mércores os cesamentos de Táboas e de Pardo de Vera en ambos os cargos.

A secretaria de Estado de Transportes, Mobilidade e Axenda Urbana, Isabel Pardo de Vera | Fonte: Europa Press