Convocan unha folga indefinida de médicos en toda Galicia a partir do 11 de abril

A Confederación Estatal de Sindicatos Médicos en Galicia (CESM) convocou a todos os facultativos da Comunidade a unha folga con carácter indefinido a partir do 11 de abril. Representates de CESM explicaron que ata o inicio desta folga abren un prazo de "coresma" á espera de que a Xunta reaccione.

Aseguran que esta convocatoria é unha resposta ante a "total falta de vontade política" por parte Sergas como evidenciaron no "realmente decepcionante" intento de negociación realizado durante os últimos meses.

Os representantes do CESM expoñen esta folga como "un golpe na mesa" para "plantar cara" ao Sergas e á Consellería de Sanidade e así reverter "unha década de recortes" que derivaron na "lamentable" situación actual a nivel asistencial.

Este sindicato médico anima a secundar esta folga ao resto de profesionais sanitarios --aínda que por agora non a apoia ningunha das organizacións que si están na Mesa Sectorial: CCOO, UXT, CIG, CSIF e Satse.

RECLAMACIÓNS

As reivindicacións de CESM afectan a todos os niveis asistenciais, pero en especial á Atención Primaria, aínda que tamén teñen demandas específicas para a atención hospitalaria, para os facultativos de 061 e para o MIR.

CESM reclama, con carácter xeral para todo o persoal do Sergas, a xornada de 35 horas semanais; o incremento do prezo da hora de garda presencial e localizada, a xeneralización do complemento específico e a declaración dos días 24 e 31 de decembro como non laborais para o persoal sanitario.

Para Atención Primaria, esta central reclama a implantación de axendas pechadas cun máximo de 25/30 pacientes --Sanidade xa expuxo unha proposta cun máximo de 40-- e un tempo non inferior a 10 minutos por paciente para os médicos de familia e pediatras de Atención Primaria, restrinxindo a teleasistencia aos casos indicados polo facultativo.

O PSdeG MARCA DISTANCIAS

O PSdeG marcou distancia coa convocatoria de folga na sanidade galega realizada polo momento en solitario por CESM, que esgrime reivindicacións de "repensar" o sistema sanitario que son "compartidas" pero non outras como avanzar na compatibilización do exercicio na actividade privada coa pública, xa que "non resolven o problema asistencial".

Así se pronunciou, a preguntas dos medios este mércores en rolda de prensa, o portavoz de sanidade do Grupo Socialista no Parlamento galego,Julio Torrado, que dixo que o PSdeG comparte algúns dos motivos da folga.