Rueda: "O PPdeG gobernará en sitios onde quedamos a pouca distancia en 2019"
Cre que o 28M o PPdeG terá resultados "mellores" que en 2019, cando "non foron bos"
Por Europa Press / Redacción | SANTIAGO DE COMPOSTELA | 02/03/2023 | Actualizada ás 20:25
O presidente da Xunta, Alfonso Rueda, mostrouse este xoves convencido de que o PPdeG vai mellorar "os resultados de 2019 nas eleccións municipais do 28 de maio, porque fai catro anos "non foron bos".
Interpelado respecto diso na rolda de prensa posterior á reunión semanal do seu Goberno, respondeu que "sinceramente" cre que os populares subirán: "Cada día pénsoo máis", dixo en base ás enquisas que manexa, as que se fan públicas e á "sensación" que lle transmite a rúa.
Así, segundo vaticinou, serán uns resultados "sensiblemente mellores" aos de 2019 porque "non foron bos". "Hai que ser sinceros, non foron bos e é máis sinxelo de mellorar que se foran bastante mellor", explicou.
Neste sentido, aínda que evitou sinalar municipios concretos, Rueda augurou que "probablemente" o PP gobernará en lugares onde agora non o fai: "Sobre todo onde quedamos a moi pouca distancia".
