Gadis instala paneis fotovoltaicos en diferentes puntos de venda apostando pola sustentabilidade ambiental

Supermercados Gadis reivindicou este venres que dá un paso máis na súa estratexia de sustentabilidade ambiental apostando pola instalación de paneis fotovoltaicos en diferentes puntos de venda. O máis recente, o Gadis Hiper de Bastiagueiro, que xa pode autoabastecerse energéticamente grazas a esta medida.

Obter enerxías renovables para o autoconsumo é un dos proxectos que puxo en marcha para alcanzar a máxima eficiencia enerxética e reducir as emisións de CO2 á atmosfera, como parte do seu compromiso de velar pola protección do medioambiente e a conservación do planeta.

Os puntos de venda que contan con paneis fotovoltaicos para o autoabastecimiento enerxético son establecementos de gran tamaño, modernos e funcionais, que foron deseñados segundo estritos parámetros ambientais, como o Gadis de Bertamiráns, que acaba de ser inaugurado.

Tamén se optou por este sistema nun dos puntos de venda de Arteixo e nos Gadis Hiper de Tui e Bastiagueiro, o último que estreou unha instalación destas características en colaboración con Voltfer, a división do Grupo Alvariño, empresa galega especializada en renovables.

Dotado con 217 paneis solares que producen enerxía de forma sustentable, propician un aforro enerxético de máis de 105.000 kWh anuais. Ademais, prevese unha redución da emisión de gases efecto invernadoiro dunhas 40 toneladas anuais de CO2.

Paneis solares.