Chamamento a doar sangue: en niveis baixos as reservas de A positivo e 0 negativo
Sinalan que hai moitos pacientes nos hospitais, que precisan case 500 doazóns diarias
Por E.P. | Galicia | 10/03/2023 | Actualizada ás 11:14
A Axencia de Doazón de Órganos e Sangue (ADOS) do Servizo Galego de Saúde (Sergas) chama á cidadanía a doar sangue tras constatar que as reservas dos grupos A positivo e 0 negativo están en niveis baixos.
De feito, os únicos grupos que están nun nivel bo son B negativo, AB positivo e AB negativo, mentres que A negativo, 0 positivo e B positivo atópanse normais. O Sergas sinala que hai moitos pacientes nos hospitais que precisan unha transfusión por diversos motivos. Para atendelos, estima que se precisan case 500 doazóns diarias.
Por iso, fai un chamamento á sociedade para achegarse a algunha das dez unidades móbiles que diariamente percorrerán municipios do catro provincias galegas ou a calquera dos sete puntos permanentes de doazón, situados nas principais cidades.
