Correos e Xunta manteñen o convenio de colaboración para facilitar o pago de débedas tributarias
Os veciños que vivan en zonas rurais e que así o soliciten, disporán dos 1.000 carteiros rurais de Correos que poderán efectuar o cobro a través da súa PDA nas propias portas dos domicilios.
Por E.P. | SANTIAGO DE COMPOSTELA | 10/03/2023 | Actualizada ás 17:03
Correos e a Xunta teñen vixente un convenio de colaboración que facilita á cidadanía o pago de débedas tributarias e outras de dereito público correspondentes ao organismo autonómico.
En concreto, Correos pon a disposición dos cidadáns a súa rede de 2.370 oficinas distribuídas por España, 166 en Galicia, para efectuar o cumprimento das obrigacións que teñan coa Axencia Tributaria de Galicia.
Ademais, os veciños que vivan en zonas rurais e que así o soliciten, disporán dos 1.000 carteiros rurais de Correos que poderán efectuar o cobro a través da súa PDA nas propias portas dos domicilios, segundo destaca a empresa pública.
Con este servizo, os cidadáns contan cunha canle "áxil e sinxela" á hora de cumprir cos seus abonos de tributos, segundo destaca.
