Retiran anuncio "ofensivo" co acento galego
Vivus, unha compañía de préstamos en liña, comunica que non emitirá máis a cuña radiofónica na que se comparaba o acento do país coa forma de falar dos lemures. Audio no interior.
Por M.V. | Madrid | 22/01/2015 | Actualizada ás 19:36
A compañía de créditos en liña Vivus levaba semanas anunciándose coa seguinte 'cuña' radiofónica, que desatou certa polémica nas redes sociais.
O motivo da discusión é o diálogo que inicia o anuncio, no que se fai burla do acento do país:
"- Mira un lémur me ha recomendado que pida un micropréstamo en vivus.es y me acaban de mandar 300 euros.
- Un lémur?
- Si, esos monitos con los ojos azules.
- Ya se lo que es un lémur, lo que me extraña es que hablen.
- Uy, y no veas que acento gallego tenían".
O blogueiro autor da bitácora "Cousas de iMeneo" animou a lanzar unha campaña na rede contra o "ofensivo" reclamo comercial, argumentando que "hoxe compárannos cun mono mañá a saber con que" e relacionándoo con polémicas pasadas sobre o caracter galego desatadas ao fío de declaracións de persoeiros como Pedro Almodovar ou Rosa Díez.
Poucas horas despois, Vivus, que soe empregar animais exóticos nos seus anuncios, reaccionaba á queixa anunciando a retirada do anuncio:
@cousasdeimeneo Pedimos disculpas si el anuncio os ha molestado,no era nuestra intención.El anuncio ha sido retirado.Mañana ya no se emite
— vivus.es (@Vivus_spain) January 22, 2015
