Verín conta cun monumento dedicado a 'moteiros e moteiras'

A inauguración foi o pasado 12 de marzo na Avenida de Castela e no monumento pódese ler: "Se non tes unha, nunca o entenderás".

Por Galicia Confidencial | Verín | 15/03/2023 | Actualizada ás 09:25

Comparte esta noticia

O acto inaugural contou coa asistencia do tenente de alcalde de Verín, Diego Lourenzo Moura, e do presidente do “Vespas Clup Verín”, Miguel Ángel Domínguez Rosas; entre outros representantes da asociación así como de numerosos amantes destes vehículos de dúas rodas.

Inauguración da escultura con xente do 'Vespas Club Verín'. Foto: Concello de Verín.
Inauguración da escultura con xente do 'Vespas Club Verín'. Foto: Concello de Verín.

Na parte superior da estrutura monumental reza "A todos aqueles que entenden a vida sobre dúas rodas", e mais abaixo o lema "Se non tes unha, nunca o entenderás".

Segundo destacou Domínguez Rosas, "esperamos que este monumento, situado nas portas de Galicia, convértase nun punto de encontro de referencia tanto para todas aquelas persoas que viaxan en moto desde diferentes puntos da península --mesmo de Europa-- e chegan por estrada  á nosa comunidade autónoma; así como de todas aquelas agrupacións locais e autonómicas. En definitiva, esta escultura está dedicada a todas aquelas persoas que viven a súa vida sobre dúas rodas".

Pola súa banda, Diego Lourenzo, quixo destacar que "desde o Concello de Verín estamos seguros de que este monumento será un gran atractor turístico para a nosa vila, á vez que serve como recoñecemento todas e todas os moteiros e moteiras que tivo e ten, Verín e comarca".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta