Un libro ilustrado conmemora os 150 anos da chegada do ferrocarril a Galicia
Destaca que é "a historia do tren de Rosalía"
Por E.P. | Galicia | 20/03/2023 | Actualizada ás 17:43
O xornalista Tomás Cavanna Bennet publica o libro 'El tren de Rosalía. Historia del primer ferrocarril gallego', unha obra ilustrada que conmemora os 150 anos da chegada do ferrocarril a Galicia.
O libro, que está coeditado por Alvarellos Editora e o Consorcio de Santiago e presentarase proximamente, narra o episodio do 15 de setembro de 1873 cando, desde a estación de Cornes (Conxo), partía o primeiro ferrocarril de Galicia en dirección a Carril.
Ademais, segundo destacou a editorial, esta é "a historia do tren de Rosalía" porque "a gran poeta viviu os seus anos finais ao pé da estación de Padrón e porque os seus restos mortais realizaron nel a súa última viaxe en 1891", como se relata no prólogo, escrito por Suso de Toro. Así mesmo, a crónica está ilustrada con máis de 130 imaxes e documentos "moi descoñecidos".
