Navantia comprométese a reunións semanais para abordar o convenio colectivo e o plan industrial

O comité avanza que "proseguirán as mobilizacións previstas" ata ter avances definidos

Por E.P. | Ferrol | 29/03/2023 | Actualizada ás 17:11

Comparte esta noticia

A dirección da empresa pública Navantia accedeu a manter "un calendario de reunións semanais" cos representantes do comité de empresa, nas que se abre "a poñer enriba da mesa propostas firmes sobre os temas demandados pola parte social, tanto no ámbito do convenio colectivo como do plan industrial".

Así o trasladaron os integrantes da parte sindical no mediodía deste mércores a través dun comunicado tras manter horas antes unha reunión de traballo co presidente de Navantia, Ricardo Domínguez, e unha representación da área de Recurso Fumes e do negocio de Construción Naval.

Neste encontro, a dirección presentou "as expectativas de carga de traballo de construción naval do Horizonte 5.0, pero sen comunicar o plan industrial", segundo trasladaron os traballadores, que esperaban "máis avances e concreción" no encontro. "Transmítennos que teñen aprobación para a negociación de convenio, pero non nos facilitarán a súa proposta ata o día 13 de abril", comunicou a parte social

Ante este escenario, o comité avanzou que "se proseguirá coas mobilizacións previstas ata ter avances definidos". A seguinte está programada en Ferrol para este xoves cunha manifestación que sairá ás 10,30 horas en dirección ao monumento ao 10 de marzo, no barrio de Recimil.

Protesta de traballadores de Navantia
Protesta de traballadores de Navantia | Fonte: Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta