Por E.P. | | 31/03/2023 | Actualizada ás 17:44
O alcalde de Ferrol, Ángel Mato (PSOE), presentou o deseño de ua sinal de entrada á cidade naval que inclúe motivos da Semana Santa ferrolá e que será proposta ao Ministerio do Interior para a súa incorporación á rede de estradas do Estado.
O acto de presentación deste sinal desenvolveuse na mañá deste venres no consistorio, onde o rexedor estivo acompañado polo presidente da Xunta Xeral de Confrarías e Irmandades da Semana Santa, César Carreño, e o secretario desta entidade que agrupa ao cinco confrarías da cidade, Fernando Iguacel.
"Esta é desas pequenas iniciativas que contribúen a darlle visibilidade a esta celebración tan importante para Ferrol", sinalou o rexedor sobre unha imaxe que incorpora a silueta da concatedral de San Julián e a de dous confrades co seu capuchón.
O rexedor detallou que "este é o primeiro paso" para poder colocar indicacións deste tipo en vías estatais, como "xa é unha realidade noutras cidades que teñen Semanas Santas destacadas".
Se o Goberno central accede a que este sinal se incorpore ás vías de titularidade estatal, a intención do concello ferrolán é trasladar tamén a proposta á Xunta para que faga o propio coas estradas autonómicas.
DURANTE TODO O ANO
Segundo o rexedor socialista, con isto "contribuiremos a darlle maior visibilidade á Semana Santa de Ferrol como a principal Semana Santa de Galicia e unha das máis relevantes de todo o norte de España".
Pola súa banda, Carreño agradeceu ao alcalde o "esforzo" do Concello "por todo o traballo que está a facer por apoiar a Semana Santa" para a que, como remarcou, xa está "todo preparado e programado". "Agora só fai falta que o tempo acompañe", apostilou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.