Pontevedra e Ourense entre as 6 cidades españolas sen colectores de roupa

A Organización de Consumidores e Usuarios denuncia a situación e advirte do impacto medioambiental

Por Europa Press / Redacción | Santiago de Compostela | 04/04/2023 | Actualizada ás 11:47

Comparte esta noticia

A Organización de Consumidores e Usuarios (OCU), tras a realización dun estudo nas 50 capitais de provincia, advirte da ausencia de colectores de roupa nas rúas de seis cidades españolas, entre elas, Pontevedra e Ourense.

Segundo o comunicado da OCU, o impacto ambiental da reutilización de roupa "é 70 veces inferior ao da produción de pezas novas". Así, apunta que segundo Cáritas en España "apenas se recolle un 12%" da roupa que se tira, lonxe do 38% de media da Unión Europea".

No escrito destácase que esta situación "debería corrixirse nos próximos meses", xa que a Lei de Residuos obriga aos concellos a recoller de maneira separada o calzado e o téxtil antes do 31 de decembro de 2024. Nesta liña, OCU tamén esixe aos concellos que haxa "un número suficiente" de colectores de roupa usada, dado que "apenas hai un por cada 4.000 habitantes, cando os expertos recomendan que haxa polo menos un por cada 1.000".

Colector para a reciclaxe de roupa
Colector para a reciclaxe de roupa | Fonte: Concello de Allariz

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta