Os encoros galegos están por encima da media dos últimos 10 anos
Rozan o 80% da súa capacidade.
Por Europa Press / Redacción | SANTIAGO DE COMPOSTELA | 04/04/2023 | Actualizada ás 14:53
Os encoros galegos atópanse ao 79,29% da súa capacidade total, o que supón situarse case 23 puntos porcentuais por encima que os rexistros de hai un ano e preto de dous puntos máis que a media do últimos dez exercicios.
En concreto, segundo datos publicados este martes polo Ministerio para a Transición Ecolóxica e o Reto Demográfico, a reserva hídrica galega conta cun total de 2.945 hectómetros de auga almacenados, 30 máis que hai unha semana.
Por concas, a do Miño Sil almacena 2.375 hectómetros cúbicos, o que supón estar ao 78,4% da súa capacidade e 738 hectómetros cúbicos máis que na mesma semana do ano pasado. Ademais, a conca de Galicia Costa dispón de 570 hectómetros cúbicos, situándose ao 83,3% da súa capacidade e con 112 hectómetros cúbicos máis que no mesmo período de 2022.
A nivel nacional, a reserva hídrica española atópase ao 51,5% da súa capacidade, con 28.889 hectómetros cúbicos almacenados, diminuíndo en 123 en comparación coa semana pasada, segundo datos do Ministerio, recollidos por Europa Press.
