Acordo entre a Deputación da Coruña e o Consello da Cultura Galega para editar 40 biografías de mulleres
"A colaboración realízase desde a área provincial de Igualdade co obxecto de contribuír á difusión, posta en valor e visibilización da muller galega en todos os ámbitos", engade a Deputación.
Por Europa Press / Redacción | A CORUÑA | 17/04/2023 | Actualizada ás 20:38
A Deputación da Coruña colaborará co Consello da Cultura Galega para a edición de 40 biografías de mulleres do 'Álbum de Galicia'.
Trátase dun proxecto editorial que permitirá dispor nun mesmo volume de parte do traballo de recompilación que realizou o Consello da Cultura Galega sobre figuras femininas destacadas na historia galega, segundo informa a institución provincial.
"A colaboración realízase desde a área provincial de Igualdade co obxecto de contribuír á difusión, posta en valor e visibilización da muller galega en todos os ámbitos", engade.
A colaboración materialízase a través do convenio asinado pola deputada provincial de Igualdade, María Muíño, e a presidenta do Consello da Cultura, Rosario Álvarez.
