O TSXG confirma a pena de 10 anos a un home que abusou sexualmente da parella discapacitada do seu fillo
Os feitos tiveron lugar entre outubro de 2015 e abril de 2019.
Por Europa Press / Redacción | PONTEVEDRA | 19/04/2023 | Actualizada ás 12:50
A Sala do Civil e Penal do Tribunal Superior de Xustiza de Galicia (TSXG) confirmou a pena de dez anos de cárcere imposta pola Audiencia Provincial de Pontevedra a un home que abusou da parella sentimental do seu fillo, a cal ten recoñecido un 65% de discapacidade.
No seu auto, os maxistrados destacan que os feitos declarados probados no fallo de primeira instancia "susténtanse na declaración da vítima e corrobóranse polo declarado pola psicóloga, médicos forenses e psicólogas do Imelga, en canto á credibilidade, en canto ás datas e situacións e en canto ás consecuencias".
Así, subliñan que "o certo" é que o acusado, "beneficiándose da súa situación de superioridade sobre a vítima, mantivo con ela relacións sexuais no modo e datas -desde outubro de 2015 ata abril de 2019- que se declaran probados".
