O 96% das vivendas de Sareb en Galicia están en zonas de baixa demanda

Pola contra, en Navarra o 55% están en zonas de moi alta demanda

Por Europa Press / Redacción | A CORUÑA | 19/04/2023 | Actualizada ás 17:31

Comparte esta noticia

Dous terzos das vivendas propiedade da Sareb atópanse en municipios de baixa ou moi baixa demanda de aluguer, segundo un estudo de idealista, que sinala que este é o caso de Galicia.

En concreto, indica que o 3% das vivendas da web de Sareb están en municipios de demanda moi baixa, mentres que o 60% atópanse en zonas de baixa demanda. O 27% da oferta deste organismo sitúase en zonas de alta demanda e só o 10% en zonas de moi alta demanda.

Castela e León e Andalucía son as comunidades que máis vivendas acumulan en zonas de moi baixa demanda, co 6% e 5%, respectivamente. Séguelles Estremadura (3%), Castela-A Mancha (2%), Galicia e Asturias (1% en ambos os casos).

No caso da baixa demanda, en Aragón, Asturias e A Rioxa, a práctica totalidade da oferta de Sareb (o 99% en todos os casos) está en zonas de baixa demanda. Séguelles Estremadura (97%), Galicia (96%), Castela e León (94%) e Cantabria (90%).

Pola contra, nos mercados máis tensionados as vivendas da Sareb están situadas en zonas con alta demanda, sendo Madrid onde máis oferta deste tipo atopamos, o 64%. Séguenlle Baleares co 58%, Cataluña co 47% e Navarra co 45%. Navarra é tamén a comunidade con máis oferta da Sareb en zonas de moi alta demanda, o 55%. A continuación sitúanse Canarias (49%), Madrid (34%), Cataluña (20%) e Euskadi (18%).

Edificios. Agostime - Europa Press
Edificios. Agostime - Europa Press | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta