Marilar Aleixandre e Martiño Noriega pechan a lista de Compostela Aberta para as eleccións municipais
Rozas di que é "unha lista de mulleres" e apunta a que ten unha "importante implantación territorial".
Por Europa Press / Redacción | SANTIAGO DE COMPOSTELA | 21/04/2023 | Actualizada ás 13:16
Compostela Aberta (CA) presentou este venres o segundo tramo da súa lista para as eleccións municipais do próximo 28 de maio, que pecharán a escritora e Premio Nacional de Narrativa, Marilar Aleixandre, e o excalcalde da cidade Martiño Noriega.
Nunha rolda de prensa no local do partido en Santiago, a candidata á alcaldía, María Rozas, deu a coñecer a lista completa, sobre a que destacou o "capital humano" e "a pluralidade" que "recolle ben as distintas sensibilidades de CA". Deste xeito, subliñou que se trata dunha lista de "importante implantación territorial" con "coñecemento para achegar solucións". Rozas fixo fincapé en que é "unha lista de mulleres", composta --contando aos suplentes-- por "21 mulleres e 14 homes.
Sobre as dúas persoas que pechan a lista, a candidata destacou o "compromiso firme na defensa da liberdade e o activismo no feminismo" de Marilar Aleixandre. Así, remarcou que "o capital político" de Martiño Noriega e explicou que "tamén é unha forma de reivindicación da súa alcaldía por CA que foi inxustamente valorado".
POSIBLES PACTOS
En preguntas aos medios, Rozas sinalou que "aspiran a liderar o Concello", xa que "están convencidos" de que "son a mellor opción" e "unha forza consolidada" en Santiago. Deste xeito, definiu a Compostela Aberta como "unha organización responsable e con coherencia política". Así, insistiu en que "se hai unha organización que é capaz de chegar a acordos esa é CA", pero que "será en maio cando se verá o escenario".
A LISTA COMPLETA
O segundo tramo da lista de Compostela Aberta está encabezado, no posto número 11, pola funcionaria da Xunta Pilar Gil, seguida da exdiputada do Parlamento Galego Flora Miranda. Así, os dous seguintes postos ocúpanos o activista da defensa do patrimonio André Seoane e a activista cultural Eli Romeu.
O lugar número 15 ocúpao o responsable da rede de datos da USC, Antonio Pérez. A continuación, está a profesora de Ciencia Política na USC Natalia Paleo, o hostaleiro Josinho Mera e a traballadora do SAF Soidade García.
Así mesmo, forman parte da lista de CA os exconcejales Rafa Pena, Noa Morais e Concha Fernández. A lista péchana a depedienta do Zara e membro da CIG, Carminha Naveiro, a escritora Marilar Aleixandre e o exalcalde Martiño Noriega.
O primeiro tramo da lista, presentado o pasado mes, compono Xan Duro, Comba Campoi, Miguel Penas, Graciela Carro, Javier García, Marisa Álvarez, Jaime Belo, Luisa Pasín e Marta Lois.
